ကြက်သားရခိုင်ချက်

ချက်ရလွယ်...ကုန်ကျစရိတ်လည်းသက်သာပြီး
ထမင်းမြိန်စေတဲ့....

ကြက်သားရခိုင်ချက်
*******************

ဗမာကြက်သား(အိမ်ကြက်)............၁ခြမ်း
ငရုတ်သီးစိမ်း................................၁၅တောင့်ခန့်
ငါးပိ...............................................၁ဇွန်း
မန်ကျည်းသီးမှည့်..........................အနည်းငယ်
စပါးလင်.......................................၂ချောင်း
နံနံပင်..........................................အနည်းငယ်

ကြက်သားကိုရေဆေးသန့်စင်ပြီးအတုံးငယ်လေးများ
အဖြစ်တုံးကာဆား၊နနွင်းမှုန့်၊ဟင်းခတ်မှုန့်အနည်း
ငယ်ဖြင့်အရသာနယ်ထားပါ။

ငရုတ်သီးစိမ်းကိုအညှာခြွေပြီးငါးပိ၊နနွင်းမှုန့်တို့နှင့်
အတူရေအနည်းငယ်ထည့်ကာရေခမ်းသည်အထိပြုတ်ပါ။ရေခမ်းသွားပြီဆိုရင်ညှက်နေအောင်ထောင်းပါ။

အရသာနယ်ထားသောကြက်သားကိုစပါးလင်ဓားပြားရိုက်ထည့်ကာရေမြုပ်ရုံလေးထည့်ပြီးပြုတ်ပါ။

ကြက်သားတစ်ဝက်ကျက်လောက်အချိန်မှာထောင်းထားသောငါးပိအရောကိုထည့်ပြီးဆား၊ဟင်းခတ်မှုန့်၊
မန်ကျည်းသီးမှည့်အနှစ်တို့ဖြင့်အရသာသွင်းပါ။

စားခါနီးမှနံနံပင်လေးပေါင်းထည့်ပြီးမွှေပေးပါ။

ပာင်းချက်နည်းများ  

အညာကြက်ဟင်ခါးသီးကြော်

အညာကြက်ဟင်ခါးသီးကြော်
***************************

ဒီကြက်ဟင်းခါးသီးမျိုးကရံဖန်ရံခါမှတွေ့တတ်တဲ့ကြက်ဟင်းခါးသီးမျိုး..သဘာဝပေါက်လေ့ရှိပြီးအသီးသေးသေးလေးတွေဖြစ်ပါတယ်။

ကျွန်တော့်မေမေအကြိုက်ဆုံးဟင်းတစ်မယ်
လည်းဖြစ်ပါတယ်။

ကြက်ဟင်းခါးသီး...............၁၅လုံးခန့်
ကြက်သွန်နီ သေးသေး......၁လုံး
ခရမ်းချဉ်သီးသေးသေး......၁လုံး
ကြက်သွန်ဖြူ.....................၃တက်
ပုစွန်ခြောက်......................၁၀ကောင်ခန့်

ကြက်ဟင်းခါးသီးကိုအမြောင်းငယ်လေးများအဖြစ်
လှီးပြီးဆားနယ်ထားပါ။

ထိုစဉ်အတွင်းကြက်သွန်ဖြူ၊ငရုတ်ခြောက်နှင့်ပုစွန်ခြောက်တို့ကိုညှက်နေအောင်ထောင်းပါ။

ကြက်သွန်နီ နှင့်ခရမ်းချဉ်သီးကိုပါးပါးလှီးပါ။

ဆားနယ်ထားတဲ့ကြက်ဟင်းခါးသီးကိုနယ်ပြီးရေဆေး၊စစ်ပါ။

ကြက်သွန်နီကိုနနွင်းမှုန့်အနည်းငယ်ဆီသတ်ပြီး
အနည်းငယ်နွမ်းလာလျှင်ထောင်းထားသောအရောကိုဆီသတ်ပါ။

မွှေးလာလျှင်ခရမ်းချဉ်သီးထည့်ပြီး၁မိနစ်ခန့်ဆက်ကြော်ပါ။

နောက်ဆုံးကြက်ဟင်းခါးသီးတွေထည့်ကာနွမ်းပြီးလှိမ့်နေအောင်ကြော်ပေးရပါမယ်။

ပာင်းချက်နည်းများ  

မတ်ပဲနိူ့စိမ်းမဆလာ

မတ်ပဲနိူ့စိမ်းမဆလာ
*******************

မတ်ပဲလုံးခြမ်းခွဲ.......၁ခွက်(လက်ဖက်ရည်ပန်းကန်)
နိူ့စိမ်း..........................၁ခွက်
ကြက်သွန်နီ................၁လုံး
ကြက်သွန်ဖြူ..............၃တက်
ကရဝေးရွက်..............၂ရွက်
ပဲဟင်းမဆလာ...........၁ဇွန်း(လက်ဖက်ရည်ဇွန်း)
ငရုတ်ဆီချက်..............၁ဇွန်း(အလှဆင်ရန်)
နံနံပင်.........................အလှဆင်ရန်

မတ်ပဲလုံးခြမ်းခွဲကိုရေဆေးပြီးအနည်းဆုံး(၁)နာရီခန့်
ကြိုတင်ရေစိမ်ထားပါ။

ပဲပွလာပြီဆိုရင်..ကြိတ်စက်ထဲမှာမညှက်တညှက်ကြိတ်ပါ။

ရေအနည်းငယ်ထပ်ဖြည့်ပြီးချင်းသေးသေးတစ်တက်ကိုဓားပြိုက်ရိုက်ထည့်ကာအဖုံးပိတ်ပြီးစတင်ပြုတ်ပါ။

အမြုပ်နှင့်အညစ်အကြေးများခပ်ထုတ်ပစ်ပါ။

ပဲနှုးအိပြီဆိုမီးဖိုပေါ်မှခေတ္တချထားပါ။

ဒယ်အိုးသေးတစ်လုံးမှာကြက်သွန်နီ၊ဖြူ၊ကရဝေးရွက်တို့ကိုနနွင်းမှုန့်၊ပဲဟင်းမဆလာတို့နှင့်ဆီသတ်ပြီး
ပဲပြုတ်ထားသောအိုးထဲလောင်းထည့်ပါ။

ဆား၊နိူု့စိမ်း၊သကြားအနည်းငယ်တို့နှင့်အရသာသွင်းပါ

ဟင်းရည်ဟာမပျစ်လွန်းမကျဲလွန်းအနေအထားမှာ
ငရုတ်ဆီချက်လေးဆမ်း၊နံနံပင်လေးဖြူးကာသုံးဆောင်နိူင်ပါသည်။

ပာင်းချက်နည်းများ  

ဘဲဥသီးစုံပဲကုလားဟင်း

ဘဲဥသီးစုံပဲကုလားဟင်း
**********************

ဘဲဥ.................၁၀လုံး
ကုလားပဲ.........၁ဗူး(နိူ့ဆီဗူး)
ဗူးသီး.............၁စိတ်
ရွှေဖရုံသီး.. ...၁စိတ်
အာလူး..........၃လုံး
ခရမ်းသီး.........၂လုံး
မုန်လာဥနီ.. ....၂လုံး
မုန်လာဥဖြူ......၂လုံး
ရုံးပတီသီး........၅တောင့်
ပဲတောင့်ရှည်....၁၀တောင့်ခန့်
မန်ကျည်းသီးမှည့်
မုန်ညှင်းစေ့
ဟင်းခတ်မဆလာ
ပျဉ်းတော်သိမ်ရွက်

ကုလားပဲကိုရေဆေးပြီးရေစိမ်ထားပါ။

ဘဲဥကိုရေဆူမှထည့်ပြီး၈မိနစ်ခန့်ကျက်အောင်ပြုတ်ပြီးအခွံခွာထားပါ။

ရေစိမ်ထားသောပဲကိုပြုတ်ပါ။

ထိုစဉ်အတွင်ပါဝင်သောဟင်းသီးဟင်းရွက်များကို
၁လက်မခွဲပတ်လည်အတုံးကြီးကြီးများအဖြစ်တုံးပါ။

ကြက်သွန်နီ ၂လုံး၊ဖြူ ၅တက်နှင့်ချင်းသေးသေးတ်တက်ခန့်ကိုညှက်အောင်ထောင်းပြီးအိုးတစ်လုံးမှာ
နနွင်းမှုန့်၊ငရုတ်စိမ်းမှုန့်အနည်းငယ်တို့နှင့်အတူဆီသတ်ပါ။

အနည်းငယ်နွမ်းလာလျှင်မဆလာ၊မုန်ညှင်းစေ့နှင့်ပျဉ်း
တော်သိမ်ရွက်တို့ထည့်ပေါင်းဆီသတ်ပါ။

ထိုမှတဆင့်အာလူး၊ရွှေဖရုံသီး၊ဥနီကဲ့သို့မာသောအသီးများကိုတစ်ခုချင်းစီထည့်ပြီးဆီသတ်ပါ။

ဗူးသီး၊ရုံးပတီသီးကဲ့သို့နှုးအိလွယ်သောအသီးများကို
နောက်ဆုံးမှထည့်ပါ။

ပဲအိုးနှုးပြီဆိုပါကဘဲဥ၊ဆီသတ်ထားသောအသီးအရွက်အားလုံးထည့်ပြီးအဖုံးပိတ်ချက်ပါ။

တစ်ပွက်ဆူလာပါကအဖုံးဖွင့်ပြီးဆား၊ဟင်းခတ်မှုန့်၊
မန်ကျည်းမှည့်ရည်တို့ဖြင့်အရသာသွင်းပါ။

တစ်ပွက်ဆူအနေအထားမှာအဖုံးဖွင့်ထားပါ။

နောက်ဆုံးငရုတ်ခြောက်တောင့်ကြော်လေးများထည့်
ပေါင်းပြီးသုံးဆောင်နိူင်ပါသည်။

ပာင်းချက်နည်းများ  

ဖလံတောင်ဝှေးကြော်

ဖလံတောင်ဝှေးကြော်
********************

ဖလံတောင်ဝှေး.........၂စည်း
ပုစွန်ခြောက်..............၁ဇွန်း
ကြက်သွန်နီ.. ...........၁လုံး
ကြက်သွန်ဖြူ.............၃တက်

ဖလံတောင်ဝှေးကိုနုတဲ့အပိုင်းလေးတွေချိုးယူပါ။
အပင်လိုက်ရေဆေးပြီးရေစစ်ထားပါ။

ကြက်သွန်နီကိုပါးပါးလှီးပြီးကြက်သွန်ဖြူကိုဓားပြားရိုက်ထားပါ။

ပုစွန်ခြောက်ကိုညှက်အောင်ထောင်းပါ။

ဒယ်အိုးတစ်လုံးမှာဆီအနည်းငယ်ကိုအပူပေးပြီးဖြူ၊
နီကိုနနွင်းမှုန့်လေးအနည်းငယ်နှင့်အတူဆီသတ်ပါ။

မွှေးလာလျှင်ပုစွန်ခြောက်ထောင်းထည့်ပါ။အနည်းငယ်ဓားပြားရိုက်ထားတဲ့ဖလံတောင်ဝှေးလေးတွေကို
လက်တစ်ဆစ်ခန့်ပိုင်းဖြတ်ပြီးထည့်ပါ။

အဖုံးအုပ်ပြီးအနည်းငယ်နွမ်းသွားအောင်ကြော်ပြီးရင်သုံးဆောက်နိူင်ပါပြီ။

ပာင်းချက်နည်းများ  

ခရမ်းသီးနှင့်ပုစွန်ခြောက်အိုးကပ်နှပ်

ခရမ်းသီးနှင့်ပုစွန်ခြောက်အိုးကပ်နှပ်
•••••••••••••••••••••••••••••••••••••••••

ခရမ်းသီး...............၅လုံး
ပုစွန်ခြောက်.........၂ဇွန်း
ကြက်သွန်နီ.. .......၁လုံး
ခရမ်းချဉ်သီး.........၂လုံး
ကြက်သွန်ဖြူ........၇တက်ခန့်
ရှမ်းနံနံ.. ..............၃ပင်
နံနံပင်..................အနည်းငယ်
ငါးပိ.....................အနည်းငယ်

အိုးကပ်နှပ်အတွက်ခရမ်းသီးဝယ်မယ်ဆိုရင်သိပ်မ
ရှည်လွန်းစေပဲနုတာလေးကိုရွေးဝယ်ရပါမယ်။

အညှာရင်းနားကဖြတ်ပါ။အသီးကို..၃ပုံ၂ပုံခန့်လေးစိတ်ခွဲပြီးဆားပါသောရေမှာခေတ္တစိမ်ထားပါ

နုပ်နုပ်စဉ်းထားသောကြက်သွန်နီ၊ခရမ်းချဉ်သီး၊ထောင်းထားသောပုစွန်ခြောက်၊ကြက်သွန်ဖြူတို့ကို
နနွင်း၊အရောင်တင်၊ဆား၊ဟင်းခတ်မှုန့်၊ငါးပိ၊ခပ်ပါးပါး
လှီးထားသေားရှမ်းနံနံတို့ကိုရောနယ်ပါ။

လေးစိတ်ရာထားသောခရမ်းသီးအလယ်ကိုပြည့်သိပ်
အောင်ထည့်ပြီးဒယ်အိုးမှာစီထည့်ပါ။

ဆီကို..ပတ်ပတ်လည်လောင်းထည့်ပြီးရေခမ်းဆီပြန်
သည်အထိမီးအေးအေးမှာအဖုံးပိတ်ပြီးချက်ပါ။

ရေခမ်းဆီပြန်လျှင်နံနံပင်လေးအုပ်ပြီး...ဒယ်အိုးကိုစောင်းကာအိုးကပ်သည်အထိချက်ပါ။

သတိပြုရန်။ ဆီမပြန်၊ရေမခမ်းခင်အဖုံးမဖွင့်မိဖို့အရေး
ကြီးသလို..လုံးဝမမွှေရတာကြောင့်စတင်ချက်ချိန်မှ
အိုးကပ်သည်အထိသင့်တင့်တဲ့မီးအပူရှိန်ကိုရွေးချယ်
တတ်ဖို့က..ဒီဟင်းပွဲရဲ့လျှို့ဝှက်ချက်ပါ။

ပာင်းချက်နည်းများ  

ငါးဆားနယ်ခရမ်းချဉ်သီးချက်

ငါးဆားနယ်ခရမ်းချဉ်သီးချက်
•••••••••••••••••••••••••••••••••

ငါး....................၃၀ကျပ်သား
ကြက်သွန်နီ.....၁လုံး
ကြက်သွန်ဖြူ...၅တက်
ခရမ်းချဉ်သီး...၅လုံး
ပင်စိမ်း.. ........၃ပင်ခန့်

ငါးကို..၁လက်မအရွယ်လေးများတုံးပြီးဆားလက်တစ်
ဆုပ်ခန့်နှင့်နယ်ကာ..အိပ်၃ထပ်လောက်ထုပ်ပြီးလေးသောအရာတစ်ခုဖိထားကာတစ်ညအိပ်လောက်ထားပါ။

ချက်ခါနီးမှာရေစင်အောင်ဆေးပြီးရေစစ်ထားပါ။

ကြက်သွန်နီ ၊ဖြူ၊ငရုတ်ခြောက်တောင့်တို့ကိုညှက်နေ
အောင်ရောထောင်းပါ။

ခရမ်းချဉ်သီးကိုပါးပါးလှီးပါ။ပင်စိမ်းရွက်ကိုအရွက်ခြွေ
ထားပါ။

ဒယ်အိုးတစ်လုံးမှာထောင်းထားသောအရောကိုဦးစွာ
ထည့်ပြီးနနွင်းမှုန့်၊အရောင်တင်၊ဟင်းခတ်မှုန့်တို့ကို
ထည့်ပြီးမှလှီးထားတဲ့ခရမ်းချဉ်သီးတွေကိုအုပ်
်ထည့်ပါ။

ဆီကိုဘေးပတ်လည်ကလောင်းထည့်ပြီးမီးအေးအေးမှာအဖုံးပိတ်ကာရေခမ်းဆီပြန်သည်အထိချက်ပါ။

အနှစ်ကျပြီဆိုမှရေဆေးထားတဲ့ငါးအတုံးလေးတွေ
ထည့်ကာ..အသားကျက်သည်အထိဆက်ချက်ပါ။

ပင်စိမ်း ရွက်လေးအုပ်ပြီးမိမိနှစ်သက်ရာတို့စရာများနှင့်တွဲဖက်သုံးဆောင်ပါ။

ပာင်းချက်နည်းများ  

မျှစ်ချိုနုရခိုင်ချက်

မျှစ်ချိုနုရခိုင်ချက်
••••••••••••••••••••

မျှစ်ချိုနုဝါ(ပြုတ်ပြီး).........၂၀ကျပ်သား
ရွှေပုစွန်ခြောက်..............၁ဇွန်း
စိမ်းစားငါးပိ.. .................၂/၃ဇွန်း
ငရုတ်သီးစိမ်း.. ..............၁၅တောင့်
မန်ကျည်းမှည့်...............အနည်းငယ်
နံနံပင်...........................အနည်းငယ်

မျှစ်ချိုနုလေးတွေကိုရေဆူဆူမှာ၁၀မိနစ်ခန့်ပြန်ပြုတ်
ပြီးထက်ခြမ်းခွဲပါ။

အိုးသေးတစ်လုံးမှာစိမ်းစားငါးပိ၊ပုစွန်ခြောက်၊ငရုတ်သီးစိမ်းတွေကိုနနွင်းမှုန့်အနည်းငယ်နှင့်အတူရေခမ်း
အောင်ပြုတ်ပြီးညှက်နေအောင်ထောင်းပါ။

မြစ်ချိုနုကို..ရေအနည်းငယ်နှင့်အတူအပူပြန်ပေးပါ။
ထောင်းထားသောအရောကိုထည့်ပါ။

ဆား၊ဟင်းခတ်မှုန့်တို့ဖြင့်အရသာသွင်းပါ။မန်ကျည်းမှည့်အနှစ်ရည်လေးလောင်းထည့်ပါ။

နံနံပင်လေးခပ်ပြီးရင်စားသုံးနိူင်တဲ့..မျှစ်ချိုနုရခိုင်ချက်
လေးရပါပြီ။

ပာင်းချက်နည်းများ  

ဝက်ပင်စိမ်း(ကဖောင်မူ)

ဝက်ပင်စိမ်း(ကဖောင်မူ)
°°°°°°°°°°°°°°°°°°°°°°°°

ဝက်သား...................၂၀ကျပ်သား
ငရုတ်စိမ်းတောင့်နီ.....၁၀တောင့်ခန့်
ကြက်သွန်ဖြူ.............၇တက်
ပဲတောင့်ရှည်............၁၀တောင့်
ကဖောင်ပင်စိမ်း........လက်တစ်ဆုပ်ခန့်

ဝက်သားကိုခပ်ကြမ်းကြမ်းနုပ်နုပ်စဉ်းပြီးအရသာနယ်ထားပါ။

ငရုတ်စိမ်းတောင့်နီနှင့်ကြက်သွန်ဖြူကိုခပ်ကြမ်းကြမ်းပဲထောင်းပါ။

ပဲတောင့်ရှည်ကိုလက်မဝက်အရွယ်ခပ်စောင်း
စောင်းလှီးပါ။ကဖောင်ပင်စိမ်းရွက်ကိုအရွက်ခြွေထားပါ။

ဒယ်အိုးပြားတစ်ခုမှာဆီအနည်းငယ်ကိုအပူပေးပြီး
ထောင်းထားသောအရောကိုဆီသတ်ပါ။

နွမ်းပြီးရနံ့မွှေးလာလျှင်အရသာနယ်ထားတဲ့ဝက်သားတွေထည့်ကြော်ပါ။

ငါးငံပြာရည်၊သကြား၊ဟင်းခတ်မှုန့်၊ခရုဆီတို့ဖြင့်အရသာသွင်းပါ။

မီးအရှိန်ကိုအနည်းငယ်မြှင့်တင်ပြီးပဲသီးနှင့်ကဖောင်
ပင်စိမ်းရွက်တွေထည့်ကြော်ပါ။

ငရုတ်ကောင်းမှုန့်လေးဖြူးလိုက်ရင်...ကမ္ဘာကျော်တဲ့
ထိုင်းဟင်းတစ်မယ်ရပါပြီ။

ကဲ..တကယ်ပဲလွယ်ပါတယ်နော်။

ပာင်းချက်နည်းများ  

ဖက်ဆွတ်မှိုခရုဆီကော်ရည်

ဖက်ဆွတ်မှိုခရုဆီကော်ရည်
°°°°°°°°°°°°°°°°°°°°°°°°°°°°

ဖက်ဆွတ်မှို...............၃၀ကျပ်သားခန့်
ကင်းပုံညွှန့်................၁၀ညွှန့်ခန့်
ကြက်သွန်နီ.. ...........၁ခြမ်း
ကြက်သွန်ဖြူ............၅တက်
ငရုတ်သီးစိမ်း.. .........၅တောင့်

မှိုကို..သဲ၊မြေကြီးပြောင်စင်အောင်ဆားပါတဲ့ရေလေး
မှာထည့်စိမ်ပြီးသန့်စင်ဆေးကြောပါ။

ထက်ခြမ်းခွဲလေးများအဖြစ်မွထားပါ။

ကင်းပုံညွှန့် ကိုနုတဲ့အပိုင်းလေးတွေခြွေပါ။

ဒယ်အိုးတစ်လုံးမှာပါးပါးလှီးထားတဲ့ကြက်သွန်နီ၊ဖြူ
ကိုဆီသတ်ပြီး..အနည်းငယ်မွှေးလာတာနဲ့မှိုတွေထည့်
ကြော်ပါ။

ဆား၊ဟင်းခတ်မှုန့်၊ပဲငံပြာရည်၊ခရုဆီတို့ဖြင့်အရသာသွင်းပါ။

ထက်ခြမ်းခွဲထားတဲ့ငရုတ်သီးစိမ်းနဲ့ကင်းပုံညွှန့်လေး
တွေထည့်ပေါင်းပြီးအရည်အနည်းငယ်ပျစ်သွားအောင်ကော်ရည်လေးဖျော်ထည့်ပါ။

ငရုတ်ကောင်းမှုန့် လေးဖြူးပြီးသုံးဆောင်ပါ။

ပာင်းချက်နည်းများ 

ကြက်တောင်ပံပျားရည်လူး

ကလေးလူကြီးအကြိုက်......

ကြက်တောင်ပံပျားရည်လူး
••••••••••••••••••••••••••••••

ကြက်တောင်ပံ(CP)...၁၀ခုခန့်
ပျားရည်....................၂ဇွန်း
သံပုရာရည်...............၁ဇွန်း
ချင်းသေးသေး.. ........၁တက်
ငရုတ်ကောင်းမှုန့်......အနည်းငယ်

ကြက်တောင်ပံလေးတွေကိုရေဆေးသန့်စင်ပြီးရေစစ်
ထားပါ။

မီးဖိုချောင်သုံးစက္ကူလေးအသုံးပြုပြီးရေတွေကုန်အောင်စုပ်ယူပြီး၊ဆား၊သကြား၊ငရုတ်ကောင်းမှုန့်၊
ထောင်းထားတဲ့ချင်းအနှစ်ရည်တို့နှင့်ရောနယ်ပြီး
(၁၅)မိနစ်ခန့်နှပ်ထားပါ။

ပျားရည်နှင့်သံပုရာရည်ကိုသမသွားအောင်မွှေပေးထားပါ။

Non-stick (မကပ်သောအိုး)မှာဆီကိုအပူပေးပြီး
ကြက်တောင်ပံတွေကိုရွှေညိုရောင်ရသည်အထိ
ကြော်ယူဆီစစ်ပါ။

မီးဖိုချောင်သုံးစုတ်တံလေးအသုံးပြုပြီးမွှေထားတဲ့
ပျားရည်အရောလေးကိုနေရာအနံ့သုတ်လိမ်းပေးပါ။

ငရုတ်တောင့်နီ၊နံနံပင်လေးအလှဆင်လိုက်ရင်
စားချင်စဖွယ်ကြက်တောင်ပံပျားရည်လူးလေးအရံသင့်ဖြစ်နေပါပြီ။

ပာင်းချက်နည်းများ

ပုစွန်ဆိတ်နှင့်ဂွေးသီးငါးပိချက်

ပုစွန်ဆိတ်နှင့်ဂွေးသီးငါးပိချက်
********************************

ဂွေးသီးစိမ်းနုနု.....................၁၅ လုံးခန်.
ပုစွန်ဆိတ်.........................၁၅ကျပ်သား
ကြက်သွန်နီ........................၂ လုံး
ကြက်သွန်ဖြူ.......................၇တက်
ခရမ်းချဉ်သီး........................၃လုံး
ငရုတ်သီးခြောက်တောင့်.......... ၅ တောင့်ခန်.
ငါးပိ...................................အနည်းငယ်(ပါသည်ဆိုရုံ)
ဆီ......................................၃ ဇွန်း
ငါးငံပြာရည်
ဟင်းခတ်မှုန်.......................သင့်တော်သလို

ပုစွန်ဆိတ်တွေကိုရေဆေးသန့်စင်ပြီးအခွံခွာကာအ၇သာအနည်းငယ်နယ်ထားပါ။

ဂွေးသီး၅လုံးခန့်ကို..အပေါ်ယံအခွံစိမ်းတွေခွာထုတ်ပြီး..ခပ်ပါးပါးလေးလှီးပါ။

ကျန်တဲ့ဂွေးသီးတွေကိုနှူးအောင်ပြုတ်ပြီးဖန်ရည်တွေစစ်ထုတ်ပစ်ပါ။နူးသွားပြီ
ဆိုရင်အနှစ်တိုက်ထားပါ။

ငရုတ်သီးခြောက်တောင့်တွေကိုအညှာခြွေပြီးရေနွေးစိမ်ထားပါ။

အနည်းငယ်ပွလာလျှင်ကြက်သွန်နီ၊ ဖြူ.၊ ငရုတ်သီးခြောက်တောင့် တွေကိုရောပြီးညှက်အောင်ထောင်းပါ။

ခရမ်းချဉ်သီးတွေကိုလည်းနုပ်နုပ်စင်းပါ။

ဒယ်အိုးတစ်လုံးမှာ..ဆီ၊ နနွင်းမှုန်.အနည်းငယ်၊ အရောင်တင်၊ ထောင်းထား
သောအရော၊ ခရမ်းချဉ်သီး၊ ငါးပိ၊ ပါးပါးလှီးထားတဲ့ဂွေးသီး၊ဟင်းခတ်မှုန်.ထည့်ပြီးရေအနည်းငယ်ဝိုက်ကာ
မီးအေးအေးမှာ...ဆီပြန်အောင်ချက်ပါ။

ဆီမပြန်ခင်..အဖုံးမဖွင့်ပါနှင့်..။

ပထမတစ်ရေခမ်းလို.ဆီပြန်လာလျှင်..အရသာနယ်ထားတဲ့ပုစွန်ဆိတ်၊အနှစ်
တိုက်ထားတဲ့ဂွေးသီး
တွေပေါင်းထည့်ပြီးမွှေပေးပါ။

လိုအပ်လျှင်ရေအနည်းငယ်ထပ်ဖြည့်ပြီး..ဂွေးသီးတွေပျော်ဝင်ပြီး..ဆီပြန်
လာသည်အထိချက်ပါ။

ငရုတ်သီးစိမ်းတောင့်လေးအလှဆင်ပေးလိုက်ပါက..ထမင်းမြိန်စေအုံးမယ့်
ဟင်းတစ်ခွက်ရပြန်ပါပြီ..။

ပာင်းချက်နည်းများ

ငါးရံ့ကွင်းနှင့်ရေကျိုငါးပိချက်

ငါးရံ့ကွင်းနှင့်ရေကျိုငါးပိချက်
•••••••••••••••••••••••••••••

ငါးရံအကောင်ကြီး......၁ပိုင်း
ငါးပိရည်ကျို.............၅ကျပ်သားခန့်
ကြက်သွန်နီ.. ..........၁လုံး
ခရမ်းချဉ်သီး............၁လုံး
ကြက်သွန်ဖြူ.. .........၅တက်
ငရုတ်သီးစိမ်း...........၇တောင့်ခန့်
ငရုတ်လှော်မှုန့်.........အနည်းငယ်

ငါးရံကိုရေဆေးသန့်စင်ပြီးအကွင်းလိုက်လှီးပါ။ဆား၊အရသာမှုန့်၊နနွင်းမှုန့်အနည်းငယ်ဖြင့်အရသာနယ်ပြီးနှပ်ထားပါ။

ငါးပိရည် ကိုနနွင်းမှုန့်အနည်းငယိနှင့်အတူကျနေအောင်ကျိုပြီးဇကာနှင့်စစ်ထားပါ။

ကြက်သွန်နီ ၊ခရမ်းချဉ်သီးကိုမီးဖုတ်ပြီးသီးသန့်စီခပ်ကြမ်းကြမ်းထောင်းထားပါ။

ငရုတ်သီးစိမ်း ၊ကြက်သွန်ဖြူကိုမွှေးအောင်လှော်ပြီးညှက်နေအောင်ထောင်းပါ။

ဆီအနည်းငယ်ကိုအပူပေးပြီးထောင်းထားသောငရုတ်သီးအရောကိုဦးစွာဆီသတ်ပါ။

အနည်းငယ်မွှေးလာလျှင်ခပ်ကြမ်းကြမ်းစဉ်းထားတဲ့ကြက်သွန်နီကိုပထမထည့်ပါ။ပြီးမှခရမ်းချဉ်သီးထည့်ပေါင်းဆီသတ်ပါ။

အနှစ်ကျလာလျှင်ငရုတ်လှော်မှုန့်ထည့်မွှေပြီးချက်ချင်းဆိုသခိုအရသာနယ်ထားတဲ့ငါးရံ့ကွင်းတွေထည့်ကာ
ဖြေးညင်းစွာမွှေပေးပါ။

ငါးအသားတွေအနည်းငယ်တင်းလာပြီဆိုမှစစ်ထားတဲ့
ငါးပိရည်တွေလောင်းထည့်ပြီးဟင်းခတ်မှုန့်လေးအနည်းငယ်ဖြည့်စွက်ပါ။

ငါးပိရည်အရသာကငါးအသားထဲစိမ့်ဝင်သွားသည်အထိချက်ပေးပြီးရင်တော့..မိမိနှစ်သက်ရာချဉ်ဖတ်၊
အရွက်ပြုတ်တို့စရာများနဲ့တွဲဖက်သုံးဆောင်ပါ။

ကျွန်တော်တို့ကအစပ်ကြိုက်သူမို့ငရုတ်သီးစိမ်းအပြင်
ကုလားအော်သီး(အာဝါးသီး)နဲ့တွဲသုံးထားတာကြောင့်ပိုစပ်သလို..ပိုပြီးတော့လဲမွှေးပါတယ်။

ပာင်းချက်နည်းများ

အင်ဒိုနီးရှားစတိုင်လ်ကြက်သားမြေပဲအနှစ်ချက်

အင်ဒိုနီးရှားစတိုင်လ်ကြက်သားမြေပဲအနှစ်ချက်
•••••••••••••••••••••••••••••••••••••••••••••••

ကြက်ရင်ပုံသား.............၁ခု
ကြက်သွန်နီ.................၁လုံး
ကြက်သွန်ဖြူ...............၃တက်
ချင်းသေးသေး.............၁တက်
ခရမ်ချီမြေပဲနှစ်.............၂ဇွန်း
အုန်းနိူ့.......................၁ခွက်(လက်ဖက်ရည်ပန်းပန်လုံး)
ဟင်းချက်မဆလာ.........အနည်းငယ်

ကြက်ရင်ပုံသားကိုရေဆေးသန့်စင်ပြီးရေစစ်ကာ
ပါးပါးလှီးထားပါ။

ချင်း+ကြက်သွန်ဖြူထောင်းအရည်ကိုကြက်သားထဲသို့
ညှစ်ချပြီးဆား၊သကြား၊ငရုတ်စိမ်းမှုန့်၊ဟင်းခတ်မဆလာတို့ဖြင့်ရောနယ်ထားပါ။

အုန်းနို့ကိုအနည်းငယ်အပူပေးပြီးမြေပဲအနှစ်ကိုပျော်ဝင်
အောင်ဖျော်ထားပါ။

နုပ်နုပ်စဉ်းထားတဲ့ကြက်သွန်နီကိုရွှေအိုရောင်ရသည်အထိဆီသတ်ပြီးအရသာနယ်ထားတဲ့ကြက်သားတွေ
ထည့်ပြီးလုံးချက်ပါ။

ကြက်သားတစ်ဝက်ကျက်အနေအထားလောက်မှာ
အရည်ဖျော်ထားတဲ့အုန်းနို့မြေပဲနှစ်အရည်ကိုလောင်းထည့်ပါ။

မီးပြင်းလျှော့ချပြီးကြက်သားထဲကိုမြေပဲအနှစ်ရည်တွေ
စိမ့်ဝင်သွားသည်အထိချက်ပေးပါ။

နံနံရွက်လေးအလှဆင်ပြီးသုံးဆောင်ပါ။

ပာင်းချက်နည်းများ

ကြက်ဟင်းခါးသီးအစာသွပ်ဟင်းရည်

ကြက်ဟင်းခါးသီးအစာသွပ်ဟင်းရည်
•••••••••••••••••••••••••••••••••••••

ဒီဟင်းရည်ချက်ဖို့ဆိုရင်တော့..ထိုင်းကြက်ဟင်းခါးသီး
ခေါ်တဲ့ကီလိုသီးကိုရွေးချယ်ဝယ်ယူရပါမယ်။

ထိုင်းကြက်ဟင်းခါးသီး........၁လုံး
ဝက်သား........................၁၀ကျပ်သား
ငါးဖယ်ခြစ်......................၅ကျပ်သား
မှိုမည်း..........................၂ပွင့်
ကြက်သွန်ဖြူ...................၃တက်
ချင်းပါးပါး.......................၂ချပ်
ကော်မှုန့်(သို့)ပြောင်းမှုန့်.....အနည်းငယ်
ငရုတ်ကောင်းမှုန့်.............အနည်းငယ်
ကြက်သွန်မြိတ်...............၅ပင်
အရိုးပြုတ်ရည်................၁လီတာခန့်

ပထမဆုံးအရိုးပြုတ်ရည်ရရန်အတွက်အရိုးအနည်းငယ်ကိုချင်း၊ကြက်သွန်ဖြူ၂တက်ဓားပြားရိုက်ပြီး
ဟင်းရည်ကြည်ရအောင်ပြုတ်ထားပေးပါ။

မှိုမည်းကိုရေဝအောင်စိမ်ပြီးနုပ်နုပ်စဉ်းပါ။

ချင်း၊ကြက်သွန်ဖြူကိုလည်းနုပ်နုပ်စဉ်းပါ။

ကြိတ်ထားသောအသား(သို့မဟုတ်)နုပ်နုပ်စဉ်းထားသောအသားနှင့်ငါးဖယ်ထဲသို့နုပ်နုပ်စဉ်းထားသောချင်း
အရော၊မှိုမည်းတို့ကိုထည့်ပြီးဆား၊ဟင်းခတ်မှုန့်၊ငရုတ်
ကောင်းမှုန့်နှင့်ပြောင်းမှုန့်တိုကိုထည့်ပြီးစေးညှက်နေအောင်နယ်ပါ။

ကြက်ဟင်းခါးသီး ထိပ်နှစ်ဖက်ကိုဖြတ်ပြီးရောနယ်ထား
သောအသားကိုထည့်ပြီးအစာသွပ်ပါ။

လက်မဝက်လောက်အကွင်းများအဖြစ်ပိုင်းဖြတ်ပါ။

ဟင်းရည်ကြည်ကိုတဖန်ပြန်အပူပေးပြီးပဲငံပြာရည်အကြည်၊ဆား၊ဟင်းခတ်မှုန့်နှင့်ငရုတ်ကောင်းတို့ဖြင့်အရသာဖြည့်စွက်ပါ။

တစ်ပွက်ဆူလာလျှင်မီးပြင်းကိုလျှော့ချပြီးအစာသွပ်ထားတဲ့ကြက်ဟင်းခါးသီးကိုထည့်ပြီး(၃)မိနစ်ခန့်အဖုံးပိတ်ထားပါ။

တစ်လက်မနှင့်ပါးပါးလှီးဖြတ်ထားသောကြက်သွန်မြိတ်များဖြူးပြီးပူပူနွေးနွေးသုံးဆောင်ပါ။

ပာင်းချက်နည်းများ

မိုးကုတ်ဆီချက်ခေါက်ဆွဲ

မိုးကုတ်ဆီချက်ခေါက်ဆွဲက..အခြားမြို့များမှာပြုလုပ်တဲ့နည်းနဲ့သိပ်မကွာခြားလှပါဘူး။ခေါက်ဆွဲရဲ့ဂျုံသားရယ်၊ကြက်သွန်ဖြူဆီချက်မသုံးတာပဲကွာခြားပြီးမုန့်ကြွပ်ကြော်(ခေါက်ဆွဲကြွပ်ကြော်)များများသုံးတာကတော့ထူးခြားမှုတစ်ခုပါ။
ခေါက်ဆွဲဂျုံသားကို(ရန်ကုန်မှာဆိုရင်တော့)(၁၇)
လမ်းကရွှေမူဆယ်၊ဝင်ကပါလမ်းကမိုးကုတ်ဒေါ်ရှန်ဆိုင်မှာဝယ်ယူရရှိနိူင်ပါတယ်။

မိုးကုတ်ဆီချက်ခေါက်ဆွဲ
•••••••••••••••••••••••••
(၁၅)ယောက်စာ
•••••••••••••••••

ဂျုံခေါက်ဆွဲအစိမ်း...........၁ ပိဿာ(၂၀)ကျပ်သား
ဝက်ပေါင်သား................၅၀ကျပ်သား
ကြက်သွန်မြိတ်..............၁၀ပင်ခန့်
နံနံပင်.........................၅ပင်ခန့်
ပဲငံပြာရည်
သကြား
ငရုတ်ကောင်းမှုန့်

ဂျုံခေါက်ဆွဲ(၂၀)ကျပ်သားကို(၃)နာရီခန့်အခန်း
အပူချိန်မှာဖြန့်ထားပါ။

ဝက်ပေါင်သားကို ၃မြောင်းလောက်အလျားလိုက်ခွဲပြီး
ပဲငံပြာရည်အကြည်၊ဆားသကြား၊ဟင်းခတ်မှုန့်တို့နှင့်နယ်ကာချင်းဓားပြားရိုက်ထည့်ပြီးပြုတ်ပါ။

ပြုတ်ရည်အနည်းငယ်ကိုစစ်ယူထားပြီးရေခမ်းပြီးနှုးသည်အထိဆက်ပြုတ်ပါ။

ဝက်သားနှုးသွားပြီဆိုစစ်ယူထားပါ။

ဒယ်အိုးတစ်လုံးမှာဆီလီတာဝက်ခန့်ကိုအပူပေးပါ။

ဆ်ီပူလာလျှင်ဖြန့်ထားတဲ့ခေါက်ဆွဲတွေထည့်ပြီးရွှေရောင်ရအောင်ကြော်ယူပြီးစစ်ပါ။

ထို့နောက်ဝက်သားတွေကိုရွှေညိုရောင်ရအောင်ကြော်ယူပြီးအအေးခံထားပါ။

ထိုစဉ်အတွင်းခေါက်ဆွဲပြုတ်ရန်ရေနွေးအိုးတည်ထားပါ။

ကြော်ထားတဲ့ခေါက်ဆွဲတွေကိုချေပြီးလေလုံအောင်ထုပ်ပါ။

ကြော်ထားတဲ့ဝက်သားတွေကိုပါးပါးလှီးပါ။

ကြက်သွန်မြိတ်နှင့်နံနံပင်ကိုရောပြီးပါးပါးစိပ်ပါ။

ပြုတ်ရည်ဆူပြီဆိုမိမိပြင်ဆင်နိူင်တဲ့ပမာဏပန်းကန်(၃)ပွဲ၊(၅)ပွဲကို..ပန်းကန်တစ်ခုချင်းဆီမှာပဲငံပြာရည်အကြည်၊ဟင်းခတ်မှုန့် ၊ ငရုတ်ကောင်းမှုန့် ၊သကြား၊
မိမိနှစ်သက်သလောက်ဝက်သားကြော်ထားတဲ့ဆီ၊ချန်ထားတဲ့ဝက်ပြုတ်ရည်ထည့်ပြီးပြင်ဆင်ထားပါ။

မိမိပြင်ဆင်ထားသလောက်ပွဲအရေအတွက်အတိုင်း
ခေါက်ဆွဲကိုပြုတ်ပါ(မပျော့၊မမာအနေအထား)မှာ
ရေကိုစင်အောင်စစ်ပြီးပန်းကန်တွေထဲခွဲထည့်ပြီးနှံ့အောင်မွှေပေးပါ။

အပေါ်ကနေပါးပါးလှီးထားတဲ့ဝက်သားပြား၊ကြက်သွန်မြိတ်၊မုန့်ကြွပ်ကြော်များပြင်ဆင်ပြီးရှမ်းချဉ်(သို့)မိမိနှစ်သက်ရာဂေါ်ဖီချဉ်၊ကြက်သွန်ချဉ်၊ဟင်းချိုရည်တို့နှင့်တွဲဖက်သုံးဆောင်နိူင်ပါသည်။

ပာင်းချက်နည်းများ

ဘဲဥနှင့်ဆူးပုတ်ရွက်ကြော်

ဘဲဥနှင့်ဆူးပုတ်ရွက်ကြော်
••••••••••••••••••••••••••

ဘဲဥ........................၅လုံး
ကြက်သွန်နီ.. ............၁လုံး
ဆူးပုတ်....................၃စည်း
ဂျုံနုမှုန့်.....................၁ဇွန်း
ဆား+ငရုတ်ကောင်း.....အနည်းငယ်

ဆူးပုတ်ရွက်ကိုအပင်လိုက်ရေဆေးပြီးစစ်ပါ။ရေခြောက်သွားရင်နုတဲ့အပိုင်းလေးတွေရွေးပြီးခြွေပါ။

ကြက်သွန်နီနှင့်ခြွေထားတဲ့ဆူးပုတ်ရွက်ကိုနုပ်နုပ်လေးလှီးပါ။

ဇလုံတစ်ခုအတွင်းမှာဘဲဥကိုခွဲထည့်ပြီး.ဆား၊ငရုတ်ကောင်း၊ဟင်းခတ်မှုန့်အနည်းငယ်တို့နှင့်အတူအနှံ့အောင်ခေါက်ပါ။

ဘဲဥခေါက်နေစဉ်ဂျုံနမှုန့်လေးကိုအနည်းငယ်စီထည့်ပြီးပျော်ဝင်သည်အထိမွှေခေါက်ပါ။
(နာနာခေါက်တယ်ဆိုပေမယ့်ဘဲဥကိုအရည်ပုံစံဖြစ်သွားတဲ့အထိမခေါက်သင့်ပါဘူး)

ထိုစဉ်အတွင်းဇောက်ပါတဲ့ဒယ်အိုးထဲမှာဆီ၁လီတာရဲ့လေးပုံတစ်ပုံခန့်ကိုအပူပေးပါ။

ဘဲဥအနှစ်ရည်နှင့်ဆူးပုတ်၊ကြက်သွန်အရောကိုသမသွားအောင်မွှေပေးပြီး ဆီပူပူမှာထည့်ကြော်ပါ။

ကြော်နေစဉ်မှာတပြေးညီအကျက်ညီအောင်ဘဲဥရည်ကိုဖြန့်ပေးရမှာဖြစ်သလိုမီးရှိန်ကိုလဲလိုသလိုချိန်ညှိပေးရပါမယ်။

မျက်နှာပြင်နှစ်ဖက်လုံးအရောင်တူအကျက်ညီပြီဆိုရင်
ဇကာထဲထည့်ပြီးဆီပြန်စစ်ပါ။လိုအပ်လျှင်မီးဖိုချောင်သုံးတစ်ရှုးစက္ကူစနဲ့စုပ်ပေးပါ။

စဉ်းနီးပြားပေါ်တင်ပြီးစတုဂံပုံအတုံးငယ်လေးများအဖြစ်ပိုင်းဖြတ်ပြီးမှတည်ခင်းသုံးဆောင်ပါ။

ပာင်းချက်နည်းများ

သုံးထပ်သားပျားရည်အကြွပ်ကြော်

သုံးထပ်သားပျားရည်အကြွပ်ကြော်
••••••••••••••••••••••••••••••••••

သုံးထပ်သား................၃၀ကျပ်သား
ပျားရည်.....................၁ဇွန်း
သကြား.....................အနည်းငယ်
ချင်း.........................၁တက်

သုံးထပ်သားကိုရေဆေးသန့်စင်ပြီးအတုံးငယ်များတုံးပါ။

ညှက်နေအောင်ထောင်းထားတဲ့ချင်းအရည်ကိုသုံးထပ်သားထဲညှစ်ချပြီးပျားရည်၊ဆား၊သကြားတို့ဖြင့်နယ်ပါ။

အိုးတစ်လုံးမှာထည့်ပြီးရေအနည်းငယ်ဖြည့်စွက်ကာရေခမ်းပြီးနှုးသည်အထိပြုတ်ပေးပါ။

ဒယ်အိုးတစ်လုံးမှာဆီကိုအပူပေးပြီးရေခမ်းအောင်ပြုတ်ထားတဲ့သုံးထပ်သားတွေကိုရွှေညိုရောင်ရအောင်ကြော်ယူဆီစစ်ကာသုံးဆောင်ပါ။

ရိုးရှင်းလွယ်ကူပေမယ့်..အရသာတစ်မျိုးထူးခြားတဲ့သုံးထပ်သားအကြွပ်ကြော်ပါ။

ပာင်းချက်နည်းများ

ခရမ်းသီးတန်ပူရာနှင့်ဒိန်ချဉ်ဆော့စ်

ထူးဆန်းတာလေးကိုမှစိတ်ဝင်စားရင်လေ့လာကြည့်ပါ။
ဟိုးအရင်ဟိုလ်တယ်မှာအတူလုပ်ဖူးတဲ့သူငယ်ချင်း
(အခုတော့..သင်္ဘောသီးပေါ့)သူ့ရဲ့နည်းလမ်းလေးနဲ့စမ်းကြည့်ထားပါတယ်။

ခရမ်းသီးတန်ပူရာနှင့်ဒိန်ချဉ်ဆော့စ်
•••••••••••••••••••••••••••••••••••

ခရမ်းသီးရှည်...........၂လုံး
ကြက်ဥ..................၁လုံး
ဂျုံမှုန့်....................၂ခွက်(လက်ဖက်ရည်ပန်းကန်)
ဘီယာ..................၁ခွက်(လက်ဖက်ရည်ပန်းကန်)
ချင်း.....................ပါးပါး(၂)ချပ်

ကြက်ဥ၊ဂျုံမှုန့်၊ချင်းထောင်းရည်နှင့်ဘီယာကိုမုန့်နှစ်ရည်
ဖြစ်သည်အထိခေါက်ပါ။

ငရုတ်ကောင်းမှုန့်လေးအနည်းငယ်ထည့်မွှေပေးပါ။

မထူမပါးလှီးထားသောခရမ်းသီးဝိုင်းလေးတွေကိုမုန့်နှစ်ရည်မှာနှစ်ပြီးရွှေရောင်ရအောင်ကြော်ယူဆီစစ်ပါ။

ဒိန်ချဉ်ဆော့စ်
••••••••••••••

ဒိန်ချဉ်................၁ခွက်(လက်ဖက်ရည်ပန်းကန်)
သကြား..............၁ဇွန်း(ထမင်းစားဇွန်း)
ဆား..................လိုအပ်သလို
ငရုတ်စိမ်းမှုန့်(အစပ်).အနည်းငယ်
ပူဒီနံရွက်...............၅ရွက်ခန့်

ဒိန်ချဉ်ထဲသို့ ဆား၊သကြားရည်၊ငရုတ်စိမ်းမှုန့်တို့ထည့်ပြီးနို့ရည်ပုံစံရသည်အထိမွှေပေးပါ။

ပူဒီနံရွက်လေးများနှင့်အလှဆင်ပါ။

(မှတ်ချက်။ကျွန်တော်သုံးတဲ့အချိန်ပူဒီနံရွက်မရှိလို့မသုံးထားရပါ)

ပာင်းချက်နည်းများ

ချဉ်ပေါင်တလှိမ့်ထိုးကြော်

ချဉ်ပေါင်တလှိမ့်ထိုးကြော်
•••••••••••••••••••••••••

ချဉ်ပေါင်ရွက်.................၅စည်း
ကြက်သွန်နီ.. ...............၃လုံး
ကြက်သွန်ဖြူ.. ..............၁၀တက်
ပုစွန်ခြောက်.. ...............၃ဇွန်း
ငရုတ်သီးစိမ်း.. .............၁၀တောင့်ခန့်

ချဉ်ပေါင်ရွက်ကိုရိုးတံမပါအောင်ခြွေယူကာရေဆေးပြီး
ရေစစ်ပါ။

ဖြစ်နိူင်လျှင်အနည်းငယ်နွမ်းအောင်နေပူလှန်းပါ။

ပါးပါးလှီးထားတဲ့ကြက်သွန်နီကိုဆီသတ်ပါ။အနည်းငယ်နွမ်းပြီးဝါလာလျှင်နနွင်းမှုန့်၊ငရုတ်စိမ်းမှုန့်ထည့်ပေါင်းကာထောင်းထားသောကြက်သွန်ဖြူကိုထည့်ပေါင်းဆီသတ်ပါ။

မွှေးပြီးနွမ်းလာလျှင်ပုစွန်ခြောက်မှုန့်ထည့်ပြီးကြော်ပါ။

နောက်ဆုံးချဉ်ပေါင်ရွက်လေးတွေထည့်ပြီးလှိမ့်နေအောင်ကြော်ပေးရပါမယ်။

ချဉ်ပေါင်ကြော်တွေနွမ်းပြီးခြောက်သွားလျှင်အညှာခြွေ
ထားတဲ့ငရုတ်သီးစိမ်းလေးများထည့်ပေါင်းပေးပါ။

မှတ်ချက်။ချဉ်ပေါင်ကြော်ချိန်မှာဆီပြည့်ဝဖို့လိုအပ်ပြီး
ကြော်ပြီးမှသာပိုလျှံနေသောဆီတွေကိုစစ်ထုတ်ပေးရပါမယ်။

ပာင်းချက်နည်းများ