မုန့်သိုင်းခြုံ
မနေ့ကမန္တလေးကငယ်သူငယ်ချင်းလေးကပွဲဈေးသွားမယ်ဘာစားချင်လည်းဆိုတော့စားချင်တဲ့ပွဲဈေးတန်းကမုန့်တွေတန်းစီရွတ်ပြလိုက်တယ်။ခဏနေတော့သူငယ်ချင်းပွဲဈေးကမုန့်တွေဓာတ်ပုံရိုက်ပို့လာပါရော။မြင်သာမြင်မကြင်ရပေါ့ ☺ဒါနဲ့ဒီနေ့တော့လုပ်စားမယ်ဆိုပြီးလုပ်ဖြစ်သွားတဲ့မြန်မာမုန့်သိုင်းခြုံလေးပါ။
ဒီမုန့်လေးမှာဆိုဖီယာအတွက်အမှတ်တရတွေရှိခဲ့တယ်။မီးဖိုထဲစဝင်ခါစသုံးတန်းအရွယ်ထဲကမြန်မာမုန့်လုပ်နည်းစာအုပ်ဘေးချလို့မုန့်လုပ်တမ်းကစားလို့ကောင်းခဲ့တဲ့မုန့်လည်းဖြစ်ပါတယ်။စပြီးမုန့်တွေစမ်းလုပ်ခဲ့တဲ့အချိန်မှာဒီမုန့်ခေါက်တာလေးကိုသဘောကျနေခဲ့တာပေါ့။လွယ်လည်းလွယ်တော့ခဏခဏလုပ်စားဖြစ်ခဲ့တယ်။လုပ်ရင်းကစားလို့ကုန်တဲ့မုန့်လည်းဖြစ်ပါတယ်။မီးဖိုထဲဝင်မုန့်လုပ်တမ်းဆော့ချင်သူများအဖို့ဆိုဖီယာလုပ်ထားတဲ့မုန့်သိုင်းခြုံလုပ်နည်းလေးမျှဝေပေးလိုက်ပါတယ်။ ☺
ပါဝင်ပစ္စည်း(၁၀ခု)
*********
ဂျုံ - ၁၅၀ ဂရမ်
ကြက်ဥ - ၃လုံး
ရေ သို့ နွားနို့ - ၂၅၀ ml
ဆား - အနည်းငယ်
အုန်းသီးသကြား
ပြင်ဆင်ပြုလုပ်ပုံ
************
(၁)ပန်းကန်တခုတွင်ဂျုံမှုန့်ကြက်ဥဆားထည့်ပြီးမွေပေးပါရေသို့မဟုတ်နွားနို့ကိုဖြည်းဖြည်းဆီရောပြီးဂျုံအလုံးလေးများမကျန်အောင်မွေပေးပါ။ရေနဲ့ဘဲလုပ်လည်းရပါတယ်။ဆိုဖီယာတော့ပိုစိမ့်အောင်နွားနို့တဝက်ရောထည့်ထားပါတယ်။
(၂)မုန့်နှစ်မပျစ်မကျဲအနေအထားရပါကမုန့်လုပ်ရန်အသင့်ဖြစ်ပါပြီ။
အစာသွပ်ရန်အုန်းသီးနှင့်သကြားကိုရောပြီးအပူပေးပါ။သကြားရေပျော်ကာအနည်းငယ်ခြောက်ပါကအသုံးပြုနိုင်ပါပြီ။
(၃)အိုးမကပ်သောဒယ်ကိုအပူပေးပြီးဆီအနည်းငယ်လူးပေးပါ။
အိုးထဲသို့မုန့်နှစ်ရည်တဇွန်းကိုလောင်းထည့်ပါ။အိုးအနှံ့မုန့်နှစ်ရည်ပြန့်အောင်လှည့်ပေးပါ။အထူအပါးညီအောင်ပြုလုပ်ပေးပါ။ထူလျှင်ခေါက်ရခက်သည်။
(၄)အိုးထဲမှမုန့်နှစ်စခြောက်သည်နှင့်အလယ်တွင်အုန်းသီးထည့်ပေးပြီးပုံစံဖြင့်ခေါက်ပေးကာအရောင်ရရုံဂေါ်ပြားဖြင့်တဖက်လှန်ပေးပြီးတည်ခင်းသုံးဆောင်နိုင်ပါပြီ။
**အိမ်မှာလုပ်စားရင်အဆင်ပြေသလိုခေါက်နိုင်ပါတယ်။
Sofia Food Paradise
No comments:
Post a Comment